Siglir tar il cuntegn

Exteriur Lavina al cunfin dal Tirol cun il Grischun– ina persuna liberada

In um è vegni liberà ord ina lavina en il Fimbatal en il territori da cunfin dal Tirol cun il Grischun. El ha stuì vegnir manà da la colonna d’agid a val.

Ina lavina vegn a a val.
Legenda: L'um ch'era sut la naiv ha pudì vegnir liberà cun blessuras nunenconuschentas. (maletg simbolic) Keystone

L’um era part d’ina gruppa da tschintg persunas ch'eran da viadi cun skis da la Heidelbergerhütte tras il Fimbatal en direcziun Ischgl. Vers las 9:45 è vegnida ina lavina ch'ha sutterrà l’um en la val.

Aut privel da lavinas era en Svizra Orientala

Il privel da lavinas en la regiun dal Tirol è sin il stgalim aut 4. La situaziun saja il mument critica, avertescha il servetsch da lavinas austriac.

En Svizra Orientala, il Partenz, l’Engiadina Bassa e parts da l’Engiadina auta vala il mument in privel da lavinas grond stgalim 4, communitgescha l’institut da naiv e lavinas a Tavau. Surtut sur 2’000 meters è la situaziun da lavinas en general critica.

RR novitads 14:00