La legenda da jazz americana Tony Bennett è mort. Quai rapportan la gasetta «New York Times» e l’agentura da novitads «AP» sa referind sin la pledadra dal defunct. Il chantadur aveva 96 onns. Il musicist è daventà enconuschent sin l’entir mund cun chanzuns sco «I left my heart in San Francisco». Tony Bennett ha publitgà passa 70 albums ed ha gudagnà cun quels 19 «Grammys».
Tras novas registraziuns da chanzuns enconuschentas e tras collavuraziuns cun artistas ed artists pli giuvens ha Bennett extendì ses public a partir dals onns 1980. Tranter quellas er artistas sco Amy Winehouse, Lady Gaga e bleras autras.