La scena da musica sa fascheva gia dapi intgin temp quitads dal retg dal blues. El pativa da pressiun da sang auta e da diabetes.
B.B. King ha manà blers novs fans al blues ed el ha influenzà in'entira generaziun da musicists da rock e blues cun sia vusch e sia ghitarra. Quella numnava el Lucille. El ha edì passa 50 albums e gudagnà blers premis, tranter auter 15 grammys.
Enconuschentas chanzuns da B.B. King èn «The Thrill Is Gone» e «When Love Comes To Town». Il musicist tutgava al Festival da jazz a Montreux tar ils giasts bainvesids. Numerusas giadas era la legenda dal blues vegnida envidada al lai da Genevra.
Mund da musica è contristà
La mort dal musicist da blues B.B. King contristescha il mund da musica. Sin twitter èn plirs collegas, sco per exempel Kelly Clarkson, Lenny Kravitz u Bryan Adams sa regurdads da la legenda da blues.
RR novitads 8:30