Siglir tar il cuntegn

Header

cuntegn

Exteriur Lescha anti-terror pli severa en Svezia

Il parlament svedais ha concludì ina lescha anti-terror pli severa. Snegar la naziunalitad a terrorists sentenziads sco en Frantscha na vul la Svezia dentant betg.

La nova lescha anti-terror preveda tranter auter 2 onns praschun per viadis en l'exteriur cun l'intenziun da sa colliar cun ina organisaziun terroristica. Tgi che sa lascha trenar per exequir in act terroristic sto ir 6 onns en praschun. Finanziar gruppaziuns terroristicas vegn punì cun 2 onns praschun.

Tenor il servetsch secret svedais han dapi il 2013 prest 300 persunas bandunà la Svezia per sa colliar cun la milissa terroristica Stadi islamic en la Siria ed en l'Irac. 133 èn turnads en Svezia.

RR novitads 06.00

Artitgels legids il pli savens