Grazia a la midada da l'aura en l'onn nov è l'impestaziun da smog en las citads pertutgadas il pli fitg, Milaun e Roma, puspè sa sbassada sut la valur da cunfin da 50 micrograms per meter cubic aria, sco las autoritads talianas han annunzià.
A Milaun, el Piemunt ed en la regiun Venezia hai dà l’emprima naiv, ed era la Toscana sto quintar cun naiv. E pli en il sid dal pajais ha la plievgia procurà per ina meglieraziun. A Napoli han las autoritads schluccà in scumond da charrar, quel vala ils proxim dis mo pli per vehichels che tschufrognan fermamain l’aria.
RR Novitads 15:00