Il prim-minister libanais, Saad Hariri ha annunzià sia demissiun. Quai è capità suenter che demonstrants han protestà dis a la lunga cunter corrupziun e malguvern. Hariri vegnia ad inoltrar sia demissiun ensemen cun l'entira regenza al president Michel Aoun.
En il Libanon è la vita publica paralisada dapi ils 17 d'october pervi da protests en l'entir pajais. Demonstrants fan responsabla la regenza actuala per la situaziun economica e sociala desolata.
RR novitads 16:00