Passa 180 stadis èn s'obligads da cumbatter pli fitg il rument da plastic. Tar ina conferenza da l'ONU a Genevra èn ils pajais sa cunvegnids da reglar pli sever e pli liant lur exports da rument da materia sintetica.
Sco quai ch'i ha num en ina decleranza exporteschian blers pajais lur rument da plastic en pajais da svilup nua ch'el duai vegnir reciclà. Rument che na sa lascha betg reciclar vegn dentant savens brischà u bittà en la mar. Tenor l'ONU hai en las mars mundialas radund 100 milliuns tonnas plastic.
