Siglir tar il cuntegn

Exteriur Linkin Park: Chantadur Chester Bennington è mort

Il chantadur da la band da rock americana è vegnì chattà mort en sia abitaziun gievgia a Los Angeles. El ha gì 41 onns.

Chantadur american.
Legenda: Chester Bennington è mort en la vegliadetgna da 41 onns. Keystone

Il chantadur da «Linkin Park» ha probabel fatg suicidi. Las circumstanzas vegnian anc scleridas. Quai rapportan las autoritads localas. Chester Bennington aveva dapi plirs onns problems d'alcohol e drogas. El è stà in fitg bun ami da Chris Cornell, il chantadur da «Soundgarden» ch'ha dacurt era fatg suicidi.

Linkin Park vala sco ina da las bands da rock contemporanas cun il pli grond success. Cun lur maschaida da hip-hop e metal han els vendì milliuns da albums. Ensemen cun «Limp Bizkit» valan els sco ils pli impurtants represchentants da l'uschenumnà «Nu-Metal».

RR novitads 06:00