Il scriptur tudestg Martin Walser è mort en la vegliadetgna da 96 onns, quai ha sia chasa editura Rowohlt confermà envers l'agentura da novitads DPA. Avant vevan pliras medias tudestgas rapportà sur dal mortori.
Martin Walser valeva sco in dals pli impurtants scripturs da la litteratura contemporana en la Germania. Sia ovra la pli enconuschenta è la novella «Ein fliehendes Pferd» dal 1978.
Martin Walser ha survegnì numerus premis per sias ovras. Per exempel il 1981 il premi da Georg-Büchner u il davos, il 2015 il premi internaziunal da Friedrich-Nietzsche per sia ovra da la vita.