Siglir tar il cuntegn
Inhalt

Exteriur Livel dal mar crescha adina pli svelt

Scienziads han calculà sin basa da mesiraziuns da satellits ch'il livel dal mar crescha adina pli svelt. Tenor quellas duai il livel da la mar crescher ils proxims 80 onns dubel uschè fitg sco prognostitgà fin ussa.

Purtret d'ina riva dasper la mar ch'è inundada.
Legenda: En intgins onns pudessan questas tablas esser permanentamain en l'aua empè da be durant mal'auras. Keystone

La fin dal tschientaner vegn il livel a las costas ad esser per 65 centimeters pli aut ch'il 2005. Fin ussa faschevan ils blers perscrutaders quint cun 30 centimeters. Il studi da l'universitad da Colorado sa basa sin mesiraziuns dals ultims 25 onns.

E quai è cun gronda probabilitad ina stimaziun precauta.
Autur: Steve NeremUniversity of Colorado in Boulder

El Niño e Pinatubo

Ils perscrutaders resguardan plirs facturs ch'influenzeschan il livel da l'aua global. Tranter auter il fenomen dal clima «El Niño» en il Pazific u er erupziuns da vulcans sco il Pinatubo il 1991 sin las Filippinas.

Cun agid da tut quests facturs quintan ils perscrutaders ch'il livel da la mar crescha mintg'onn per 0,08 millimeters pli svelt che calculà fin uss.

RR novitads 06:00