Quai ch'è enconuschent enfin uss:
- A Kensington, Londra, arda il sgrattatschiel Grenfell Tower davent da la segunda auzada enfin la pli auta auzada, il 27avel plaun, dapi baud la notg sin mesemna. Entant hajan ils pumpiers cuntanschì la 24avla auzada.
- Enturn mezdi communitgescha la polizia, ch'almain 12 persunas èn mortas. Tenor l'ambulanza da Londra sajan vegnidas purtadas 74 persunas blessadas, tranter quellas 20 en stadi critic, en sis ospitals da la citad. La chasa ha dentant 120 abitaziuns. Il president da Londra, Sadiq Khan tema, che las cifras dad unfrendas vegnan anc a crescher.
- En las medias socialas èn diversas persunas en tschertga dad autras persunas. La polizia da Londra ha entant drizzà en ina lingia d’urgenza per infurmaziuns.
- Ils servetschs d’emergenza èn cun 250 pumpiers e 45 vehichels, passa 100 medis e sanitaris e 20 ambulanzas, 100 policists sin il lieu e differentas squadras spezialisadas sin il lieu.
- Il stabiliment saja stabil avunda per tschertgar ulteriuras victimas comunitgescha l'agentura da novitads tudestga dpa.
- La via principala A4 tranter il center da Londra e l'eroport Heathrow ha stuì vegnir serrada en omaduas direcziuns.
Betg enconuschent:
- Davart la raschun dal fieu na dettia quai actualmain anc naginas indicaziuns, communitgeschan las autoritads. I na sa tractia betg dad in act da terror, citescha la dpa a Scotland Yard.
«More information will follow when we have it»
Dapli infurmaziuns confermadas da las autoritads «seguan, cur ch'ellas èn qua» – uschia scriva l'ambulanza da Londra via twitter.
Anfang Bildergalerie
Bildergalerie überspringen
-
Bild 1 von 10. Quantas persunas, ch'èn vegnidas per la vita u feridas, n'è anc betg enconuschent dal tuttafatg. Bildquelle: Keystone.
-
Bild 2 von 10. Il Grenfell Tower en il quartier da North Kensington a Londra. Bildquelle: Keystone.
-
Bild 3 von 10. Ils pumpiers èn dapi las duas la notg cun passa 200 persunas sin il lieu. Bildquelle: Keystone.
-
Bild 4 von 10. Il fieu vegn cumbattì dapi uras a tutta forza. Bildquelle: Keystone.
-
Bild 5 von 10. Las forzas da salvament e dals pumpiers èn cun tschientinas da persunas sin il lieu. Bildquelle: Keystone.
-
Bild 6 von 10. La polizia ha serrà giu il territori enturn il fieu. Bildquelle: Keystone.
-
Bild 7 von 10. Il fieu vesì dad in auter sgrattatschiel la mesemna la damaun a Londra. Bildquelle: Keystone.
-
Bild 8 von 10. Il fieu en il sgrattatschiel a Londra. Bildquelle: Keystone.
-
Bild 9 von 10. L’emprim clom d’alarm era vegnì la notg sin mesemna curt avant las dus. Sis minutas pli tard sajan stads ils emprims pumpiers sin il lieu. Bildquelle: Keystone.
-
Bild 10 von 10. Il Grenfell Tower arda da la segunda auzada ensi fin la 27avla sisum. Bildquelle: Keystone.
Ende der Bildergalerie
Zurück zum Anfang der Bildergalerie.
Ina tscherna dals tweets uffizials da questa damaun
Infurmaziun dal president da Londra:
I arda vinavant:
40 vehichels e 200 pumpiers èn al lieu.
Il lieu dal fieu
RR novitads 06:00++