Londra: fieu da sutensi

Sut il center da la citad da Londra, en il sistem da chanals, hai brischà durant dus dis. Pir quest venderdi han ils pumpiers pudì stizzar il fieu sutterran.

pumpier guarda sin in fieu Bild in Lightbox öffnen.

Legenda da maletgs: Il fieu, che vegniva per part tras ils viertgels da chanals, ha impedì fitg il manaschi en il center da la metropola. Keystone

Per far quai han els stuì serrar giu tut las lingias da gas da la regiun, rapporta la gasetta locala da Londra Evening Standard. Uschiglio fiss il ristg d'ina explosiun da gas stà memia grond.

Entras quest incendi hai dà gronds impediments en il center da Londra, per part è il traffic vegnì svià, producziuns da teater èn vegnidas annulladas, tschertas butias han stuì serrar. En tut han pliras milli persunas stuì bandunar lur abitaziuns e biros, han communitgà ils pumpiers. La raschun da l'incendi n’è anc betg enconuschenta.

RR novitads 18:00