Siglir tar il cuntegn
Inhalt

Exteriur Londra: Incap en la via da cumpra Oxford Street

Pervia da tema d'in pussaivel attentat terroristic hai da panica a la staziun da metro Oxford Circus. 16 persunas èn vegnidas blessadas. La polizia suppona che la panica saja rutta ora pervia dad ina dispita tranter dus umens sin il perrun.

Polizia e passants en la Oxford Street a Londra.
Legenda: Scenas hecticas en la Oxford Streed a Londra. Keystone

Per ina sajettada n'ha la polizia chattà nagins mussaments.

La polizia ha però tractà l'incap preventivamain sco situaziun d'in act terroristic. Uschia aveva Scottland Yard al cumenzament appellà a la glieud da sa zuppar e sche pussaivel star en chasa, davent da fanestras. Las staziuns da la metro Oxford Station e Bond Street èn vegnidas serradas.

Suenter la panica sajan tut las staziuns da la metro a Londra puspè avertas. Quai han las autoritads confermà venderdi saira.

La Metropolitan Police ha communitgà sin Twitter ch'ella haja reagi suenter ils emprims indizis sco tar in act terroristic. Gia enturn las 19:00 uras ha ella lura communitgà la fin da l'acziun e puspè dà liber las staziuns da metro e las vias en il conturn.

RR novitads 20:00+