Siglir tar il cuntegn

Header

cuntegn

Exteriur Londra tschertga in nov burgamester

Sadiq Khan, il candidat da la partida Labour, pudess daventar l'emprim burgamester muslim da la citad da Londra.

Tenor retschertgas maina Khan avant ses concurrent, il conservativ Zac Goldsmith. Khan è figl d'in immigrant pakistan.

Jau less daventar il burgamester il pli «favuraivel a l'economia» da Londra

Khan empermetta da construir millis novas abitaziuns per prender il squitsch enorm dal martgà d'immobiglias da la metropola brita. Ils pretschs per bigliets dal traffic public duain vegnir schelentads per quatter onns, sch'i va tenor Khan.

Khan u Goldsmith - in dad els vegn a succeder al burgamester partent, Boris Johnson.

Elecziuns dal burgamester a Londra - il candidat Sadiq Khan stat davant placats dals candidats
Legenda: Oz elegian ils da Londra lur burgamester. Keystone

Oz vegnan er elegids ils parlaments regiunals en Scozia, l'Irlanda dal nord e Wales. En l'Engalterra vegnan ultra da quai elegidas intginas represchentanzas communalas. Tar questas elecziuns mussa la retschertga perditas per la partida Labour.

Ils locals electorals èn averts fin questa saira a las 23:00. Emprims resultats vegnan spetgads damaun marvegl.

RR novitads 08:00

Artitgels legids il pli savens