Pervi da diversas interrupziuns e retards l'onn passà vul la Lufthansa engaschar il 2019 nov persunal per meglierar ils process da lavur. Sco quai che la Lufthansa Group communitgescha, dovria en spezial persunal tar la Lufthansa, Lufthansa Technik e Swiss. Suenter ina stad turbulenta vul ins stabilisar il traffic aviatic ed investescha perquai var in quart milliarda euros.
Lufthansa – grond patrun a Hessen
La fin da settember 2018 han var 135'000 collavuraturas e collavuraturs lavurà per la Lufthansa Group, da quels var 32'000 direct tar Lufthansa. Cun bunamain 40'000 occupads è la Lufthansa Group tenor lur indicaziuns il pli grond patrun a Hessen.
RR novitads 06:00