Legenda:
La Lufthansa vul far pajair ils pilots pervi da lur chaumas.
Keystone
cuntegn
Exteriur - Lufthansa pretenda indemnisaziun dals pilots
La societad aviatica da la Germania vul purtar plant cunter il sindicat da pilots Cockpit pervi da la chauma l'avrigl 2014. La Lufthansa pretenda indemnisaziun perquai che Cockpit haja fatg chauma tar la figlia Cargo, malgrà ch'il contract da tariffas era anc valaivels. Il donn munta a 60 milliuns.
Vitiers ha la Lufthansa annunzià da betg pli pladir pilots tar la Lufthansa Passage, Germanwings e Lufthansa Cargo. Il concern ha argumentà quest pass cun la cumpetitivitad mancanta. «Els avessen gugent puspè contractivas da tariffas cun il sindicat Cockpit, enstagl da stuair reagir sin la pli nova escalaziun» ha ditg Bettina Volkens.
Dapi la damaun chauman ils pilots da la Lufthansa. Igl è quai la 13avla chauma entaifer in onn e mez.
