Il nov contract da lavur collectiv prevesa tranter auter dapli paja e meglras rentas. In punct che stoppia anc vegnir sclerì durant il process da mediaziun pertutgia l'organisaziun da la lavur, han omaduas partidas communitgà. La fin da zercladur duain dentant er questas dumondas esser giud maisa. Enfin lura na dastga il sindicat betg clamar a novas chaumas.
Il november passà aveva il persunal da cabina fatg chauma durant in'entir'emna. Quai era stà la chauma la pli dira en l'istorgia da la Lufthansa. Tut en tut ha la dispita da tariffa tranter la Lufthansa ed il sindicat cuzzà passa dus onns.
Anc nagina cunvegna ha la societad aviatica chattà cun ils pilots che han gia fatg 13 giadas chauma.
RR novitads 11:00