Siglir tar il cuntegn

Header

Navigaziun

La bandiera da Macedonia e davostiers quella da la Macedonia e quella da la NATo.
Legenda: Il pitschen pajais dal Balcan, la Macedonia, ha uss num uffizialmain Macedonia dal Nord. Keystone
cuntegn

Exteriur Macedonia ha uss num Macedonia dal Nord

Il pitschen pajais dal Balcan sa numna uss uffizialmain Macedonia dal Nord. Sco la regenza a Skopje ha communitgà, valia il nov num dapi mardi. La midada da num è part d'ina cunvegna ch'il pajais ha fatg il zercladur da l'onn passà cun la Grezia.

Athen aveva dapi l'independeza da la Macedonia avant 27 onns insistì ch'il pajais midia ses num, perquai ch'ina regiun en il nord da la Grezia ha er num Macedonia. Sco commember da l'UE e da la NATO aveva la Grezia en consequenza bloccà cun ses veto mintga avischinaziun da la Macedonia a las allianzas dal vest.

Cun la midada è la dispita davart il num dal pajais cun la Grezia terminada. En il fratemp è l'entrada da la Macedonia dal Nord en la NATO vegnida instradada. Il parlament grec ha approvà l'emna passada il protocol correspundent.

RR novitads 06:00