Macedonia proclamescha il stadi d’urgenza

Pervi da la crisa da fugitivs ha la Macedonia proclamà il stadi d’urgenza. Il squitsch che creschia al cunfin en il sid dal pajais pretendia questa mesira, ha declerà la regenza. Per surmuntar la crisa stoppia la regiun da cunfin vegnir survegliada meglier, tranter auter cun engaschar il militar.

Tschients da fugitivs spetgan da pudair entrar en la Macedonia. Bild in Lightbox öffnen.

Legenda da maletgs: La polizia da la Macedonia ha bloccà ina ruta da fugitivs al cunfin cun la Grezia. Keystone

La polizia da la Mazedonia ha entant bloccà ina ruta impurtanta al cunfin cun la Grezia ed uschia retegnì millis fugitivs, rapportan pliras medias. Pertutgada è la via principala tranter Skopje e la chapitala Athen. Sco ch’i para vegn lubì sulet a pitschnas gruppas da vegnir en il pajais.

La finamira da las autoritads è da reducir il squitsch sin la citad Gevgelije, datiers dal cunfin. Là emprovan mintga di numerus fugitivs da prender in dals trais trens en direcziun Serbia, nua ch'els vulan lura viagiar vinavant en direcziun nord.

RR novitads 16:00