Siglir tar il cuntegn

Header

Navigaziun

cuntegn

Exteriur Macron vul auzar la paja minimala

Il president franzos Emmanuel Macron fa in grond pass vers ils «Gilets Jaunes» – suenter che quels han procurà las davosas emnas cun lur ferms protests per bler dischurden en la Frantscha.

Il president franzos Emmanuel Macron.
Legenda: Il glindesdi saira è il president franzos Emmanuel Macron sa drizzà cun in pled a la televisiun als Franzos ed a las Franzosas. Keystone

En in pled a la naziun emess en la televisiun, ha Emmanuel Macron annunzià en la politica sociala concessiuns pli grondas. Els veglian ina Frantscha che lubeschia da viver degn da sia lavur, ha el ditg.

Tranter auter prevesa il president franzos che sururas èn da nov libras da taglias e taxas socialas. Ed el vul auzar la paja minimala per 100 euros il mais, sco quai ch'ils sindicats avevan pretendì.

Vitiers ha Emmanuel Macron accentuà, ch'el surpiglia per la crisa actuala ina «part da la responsabladad».

RR novitads 21:00