Siglir tar il cuntegn

Header

cuntegn

Magistra engiadinaisa a Roma Giulia Parolini: «Er en mes temp liber prepar jau per la scola»

Giulia Parolini è creschida si a Samedan. Suenter avair fatg la Scol'auta da pedagogia a Cuira, è ella ida a Roma ad instruir. Dapi l'avust da l'onn passà viva ella en la citad principala da l'Italia ed ha stuì midar fermamain ses mintgadi da lavur pervia dal coronavirus.

Mintga avantmezdi fa Giulia Parolini lecziuns online cun ses scolars. Aifer in'emna sajan ils magisters da Roma s'organisads per instruir online e quai haja funcziunà bain. Ils scolars percunter pateschian da la situaziun, uschia descriva la dunna ch'è creschida si a Samedan la situaziun actuala. Els laschian encrescher per lur amis.

Er avantatgs entras la nova furma d'instruir

Tuttina haja la situaziun da curontina er in effect positiv sin la prestaziun da scolaras e scolars. Entras la crisa sajan ils geniturs dapli a chasa, quai che muntia dapli sustegn per ils uffants, quai di Giulia Parolini.

Era sin sia vita privata ha la quarantina ina gronda influenza. En ses temp liber saja ella numnadamain savens vi da preparar material per la scola ed uschia savens vi dal computer. Sche Giulia Parolini fa ina pausa telefoneschia ella cun la famiglia en Engiadina. Cura ch'ella po la proxima giada ir a far visita, na sa ella betg.

Il pli ferm mancan a mai las embratschadas.
Autur: Giulia Parolinimagistra a Roma

L'entira situaziun da corona en l'Italia fa er tema a la giuvna engiadinaisa. Ils purtrets ch'ella vesa d'ospitals surchargiads e persunas che ston murir na sajan betg agreabels. Era sch'ella saja giuvna e sauna, na va ella betg senza mascra e guants ord chasa.

RTR actualitad 08:00

Artitgels legids il pli savens

Ir a sanester Ir a dretg