«Mai emblidar la sgarschur da la guerra» – Shinzo Abe a Hawaii

Il primminister giapunais Shinzo Abe ed il president american Barack Obama vegnan a commemorar communabel da las unfrendas da Pearl Harbor. L'attatga giapunaisa d'avant 75 onns sin la basa americana a Hawaii è stada il culp decisiv per ils Stadis Unids d’entrar en la Segunda guerra mundiala.

Shinzo Abe avant in monument. Bild in Lightbox öffnen.

Legenda da maletgs: Il primminister giapunais Shinzo Abe commemorescha da las unfrendas militaras da Pearl Harbor. Keystone

Sco Abe ha ditg avant sia partenza da Tokio na possian ins mai emblidar la sgarschur da la guerra. Tar l’attatga dals 7 da december 1941 eran 2’400 Americans vegnids mazzads. Quai insumma l’emprima giada ch’in primminister giapunais commemoreschan communabel cun in president american da las unfrendas da Pearl Harbor e che fa ina visita era al monument istoric per la schuldada americana.

Nagina perstgisa

I na vegn betg spetgà ch’il primminister giapunais Abe vegna a s’exculpar per l’attatga d’avant 75 onns. Era tuttina sco Obama n’è betg s’exculpà tar sia visita a Hiroshima per l’attatga cun la bumba atomica.

Era sur da l’economia vegn discutà

Avant ch’ils dus politichers vegnan a visitar Pearl Harbor vegnan els anc a discutar sur da las relaziuns economicas e politicas. Uschia vulan ils dus pajais furmar ina unitad cunter la China. Era cun il futur president Donald Trump vul il primminister giapunais manar in bun contact.

RR novitads 06:00