En la cursa per il presidi american ha gudagnà en dumengia il democrat Bernie Sanders in ulteriura pre-elecziun en in stadi federativ. Sia rivala Hillary Clinton ha dentant savì decider enfin uss dapli pre-elecziuns a sia favur.
Suenter che radund 80% da las vuschs èn quintadas, cuntanscha Bernie Sanders a Maine radund 64% da las vuschs. La top candidata dals democrats, Hillary Clinton, vegn sin 36%.
Quai è la terza victoria per Sanders cunter Clinton. La sonda aveva Sanders gudogna las pre-elecziuns en ils stadis da Nebraska e Kansas. Clinton ha dentant gudognà a Louisiana ed ella maina anc adina cun avantatg sin Sanders.
