Siglir tar il cuntegn

Header

cuntegn

Exteriur Maioritad per partida democratica en Corea dal Sid

La partida conservativa da la presidenta Park Geun Hye n’ha betg mo pers blers sezs en il parlament da la Corea dal Sid, mabain er lur posiziun da partida regenta. La partida da l'opposiziun democratica (MPK u Minjoo) cuntanscha 123 dals 300 sezs, in dapli ch’ils conservativs.

En la Corea dal Sid perda la partida regenta la maioritad en il parlament. Ella n'è era betg pli la partida la pli ferma. Tenor indicaziuns da pliras agenturas vegn la partida conservativa da la presidenta Park Geun Hye sin 122 dals 300 sezs en il parlament - pia in minus da radund 30 sezs. La partida da l'opposiziun democratica cuntanscha 123 sezs, ed ha uschia in sez dapli che la partida regenta.

Resultat pudess influenzar elecziuns presidialas

La terz ferma partida daventa la novfundada partida populara; ella cuntanscha 38 sezs. Per l’emprima giada dapi 20 onns è uschia ina terza partida cun forza da fracziun puspè represchentada en il parlament sidcorean.

Experts valiteschan questa terrada da la partida conservativa era sco nausch segn per las elecziuns presidialas da l'onn che vegn. Il resultat da las elecziuns decida er quant lev che la presidenta Park po far passar sias finamiras cun l’agid dal parlament. Ella è anc en uffizi fin il 2018. En il sistem presidial da la Corea dal Sid po Park dentant er reger cunter ina maioritad da l’opposiziun.

RR novitads 07:00

Artitgels legids il pli savens