Siglir tar il cuntegn

Header

cuntegn

Exteriur Malaisia tschertga fugitivs

La Malaisia tschertga uss activamain suenter bastiments cun fugitivs, quai per liberar els e per dar agid umanitar. Enfin uss n’hajan ins chattà nagins bastiments cun fugitivs, scriva la marina. Per part èn quests fugitivs gia dapi mais sin bastiments perquai ch'ils stadis renvieschan els.

Ier ha la Malaisia e l'Indonesia communitgà da vulair recepir ad interim radund 7'000 fugitivs sut la circumstanza che la communitad internaziunala chatta entaifer in onn ina nova patria per questas persunas.

Tar ils fugitivs sa tracti per gronda part da muslims dal etnia da Rohinga ord il stadi Myanmar (anteriura Burma) che vegnan persequitads en lur patria.

Myanmar na vul betg acceptar ils fugitivs. La regenza da l'anteriura dictatura militara è dal maini ch'i sa tractia da migrants illegals ord il pajais vischin Bangladesch. Ils avdants dals Rohinga èn per part dapi 150 onns en il Myanmar.

RR novitads 9:00

Artitgels legids il pli savens