En il sid dals Stadis Unids ha ina front da stemprads massiva chaschunà gronds donns. Pervi da tornados ed inundaziuns andetgas a Texas e Louisiana sajan mortas almain otg persunas. Vinavant hajan las malauras destruidas numerusas chasas e cupitgà pliras plantas, che han bloccà vias ni ch'èn cridadas sin lingias d'electricitad.
En dumengia è la front ida vinavant en direcziun nordost. Tenor rapports da medias sa preparan New York sco era la citad principala Washington sin la front.
RR novitads 06:00