En la regiun dal vest dal Giapun nua che las citads da Fukuoka, Hiroshima e Nagasaki sa chattan, hai dà plievgia intensiva. Sco l'agentura da novitads Kyodo rapporta sajan almain 51 persunas mortas ed ulteriuras 50 sparidas. Pertutgada fermamain da questa intensiva plievgia è la regiun enturn la citad Hiroshima. Sulet là èn 23 persunas mortas.
Gronds donns
Plinavant sajan pliras tschient chasas donnegiadas. Sin fotografias èn da vesair las grevas consequenzas da la ferma plievgia: vias inundadas, chasas plain lozza, bovas e plantas derschas. Millis gidanters èn en acziun.
RR novitads 15:00