Malauras en il Myanmar chaschunan almain 27 morts

Il Myanmar patescha dapi dis da malauras. Tenor indicaziuns uffizialas han inundaziuns chaschunà fin ussa almain 27 unfrendas. Entant rapportan medias da 50 unfrendas.

Passa 150'000 persunas èn pertutgadas da las malauras. Bild in Lightbox öffnen.

Legenda da maletgs: Passa 150'000 persunas èn pertutgadas da las malauras. Keystone

Tras las malauras saja plinavant vegnida destruida la racolta sin ina surfatscha da radund 2'000 km2. Quai correspunda a la grondezza dal chantun Son Gagl.

L’agid ha be access limità

En consequenza ha la regenza declerà 4 regiuns sco territori da catastrofa. Da las 14 provinzas dal Myanmar duain 13 esser pertutgadas d’inundaziuns. Uschia èn bleras regiuns bloccadas per forzas d’agid e salvament.

Er l'India, il Nepal ed il Pakistan pateschan dal monsun.

RR novitads 17:00