En il stadi federativ da Mississippi en ils Stadis Unids èn almain sis persunas mortas pervi d'in tornado. Quai ha l'autoritad per catastrofas annunzià.
Avant aveva il servetsch da meteorologia naziunal avertì da suffels da fin 330 kilometers per ura. I sa tractia d’in «eveniment extraordinari e fitg rar».
Er en autras regiuns en il sid ed ost dals Stadis Unids hai dà malauras. Uschia per exempel a Louisiana nua che vents han donnegià u destruì dal tut radund 300 chasas.