Il taifun «Lekima» ha furià sin l’insla Taiwan. Passa 2'500 persunas èn vegnidas evacuadas pervi dal privel d’aua gronda, e passa 3'000 chasadas n’han gì nagina electricitad. Passa 500 sgols èn vegnids annullads. Quai rapportan las autoritads. In um saja mort en consequenza dal taifun.
China sa prepara
Uss sa mova il taifun en direcziun da la China. Il pajais ha proclamà il pli grond stgalim d’alarm pervi da «Lekima». L'alarm valia er per la metropola da Shanghai. I sa tractia dal pli ferm stemprà tropic dapi tschintg onns. Quai inditgeschan ils servetschs da meteorologia naziunals. Quels quintan ch’il taifun frunta sonda marvegl sin terra franca.
Legenda:
Il taifun «Lekima» sa mova en direcziun da la China.
Keystone
RR novitads 06:00
