La Svizra prolunghescha si’acziun d’agid en Grezia. Quai ha communitgà il Departament federal d’affars exteriurs. L’equipa svizra ch’haja gidà ils ultims dis da cumbatter ils incendis da guaud, gidia a partir dad oz cunter las auas grondas en la Grezia Centrala. Quai sin dumonda da las autoritads localas.
Las inundaziuns en l'Europa dal sidost n'èn anc betg passadas
En la Grezia centrala è la situaziun vinavant critica, la planira da la Tessalia è anc adina inundada ed en blers vitgs e citads na datti nagin current e nagin'aua da baiver, raportan reporters. Era vias e binaris èn bloccads. Anc adina tschertgan pumpiers e protecziun civila persunas e las salvan da regiuns inundadas.
Legenda:
Keystone
Almain sis persunas sajan mortas. Blers vitgs sajan isolads dal rest dal mund.