A Roma saja ina dunna da 27 onns morta la notg passada – suenter ch’il vent aveva cupitgà ses auto e bittà en in chanal, rapporta l’agentura da novitads Ansa. Ed ad Arezzo han ins chattà la bara d’in um da 72 onns datiers da ses auto, ch’era vegnì tschiffà d’in aual durant ch’i pluveva fitg en la regiun.
En las Alps sidtirolaisas datiers da Bulsaun è ina Norvegiaisa da 45 onns morta. Durant ina cursa da muntogna extrema – il Südtirol Ultra Skyrace – era ella vegnida tutgada dad in chametg.
La protecziun civila taliana ha avertì per la dumengia da malauras – en las regiuns Lumbardia, Venezia, Liguria e Latium.
RR novitads 12:00