Siglir tar il cuntegn

Header

Oz il di da la ceremonia da cumià uffiziala per las 130 unfrendas è cunzunt la malencurada stada preschenta a Paris.
Legenda: Oz il di da la ceremonia da cumià uffiziala per las 130 unfrendas è cunzunt la malencurada stada preschenta a Paris. Reuters
cuntegn

Exteriur Malencurada e gritta èn era duas emnas pli tard anc preschentas

La chanzun da malencurada «Quand on a que l'amour» e larmas oz a Paris per la ceremonia da cumià uffiziala per las 130 unfrendas da la notg da terrur. Malencurada e gritta èn era duas emnas pli tard anc preschentas. Oz è dentant surtut la malencurada stadas preschenta.

«Cun la ceremonia da cumià èn las regurdientschas alertas», di Stefan Brändle, il schurnalist svizzer che viva e lavura dapi 25 onns a Paris. E tuttina sentian ins, co tuts sa sprovan che la vita possia puspè nascher.

«Na dar suenter: ni a la tema ni a l'odi.» Quai è l'appel dal president François Hollande. E tuttina: cun sia empermischun da vulair cumbatter e fin la fin destruir ils fanatichers dal Stadi islamic, restia la malsegirtad tar ils Franzos, uschia Brändle.

Ed era igl esser attent resti. «Quai è da sentir, sch’ins prenda la metro ni sesa en il bus.» Pervia da la tema d'ulteriurs acts da terrur, desistian anc adina blers sin il traffic public e prefereschian l'agen auto da vegnir en la citad da Paris. Franzosas e Franzos sajan en mintga cas conscients ch'il privel da terrur na saja anc ditg betg dumagnà e superà.

Artitgels legids il pli savens

Scrollar a sanestra Scrollar a dretga