L’onn passà hajan ils stadis dal mund dà or 1,8 billiuns francs per il militar. Quai stima l’institut da retschertga da la pasch svedais «Sipri». L’institut fa dentant attent che questa stimaziun saja questa giada stada pli malsegira ch’auters onns. Er qua è corona la raschun.
Investì il pli bler en l'armada han ils Stadis Unids. Els èn responsabels per bunamain 40% da tut las expensas militaras dal mund. Sin il segund plaz suonda la China.