Siglir tar il cuntegn

Header

Navigaziun

cuntegn

Malgrà multa da 5 milliardas Facebook fa vinavant gudogn

Il segund quartal da l’onn ha il concern fatg in gudogn da 2,6 milliardas dollars – radund la mesadad da l’onn passà. La svieuta è percunter s’augmentada per 28% sin 16,6 milliardas dollars. Surtut cun reclama sin telefonins ha facebook pudì augmentar la svieuta.

Malgrà ils scandals da datas dals davos mais: il dumber d’utilisaders ch’èn mintga mais activs sin Facebook saja s’augmentà sin passa 2,4 milliardas. Da quels han bunamain 1,6 milliardas mintga di fatg diever da la plattafurma.

Pir da curt eran Facebook e las autoritads americanas sa cunvegnidas ad ina multa da 5 milliardas dollars. Il concern haja violà ina lescha davart la protecziun da datas, cura ch’el haja dà vinavant datas da 87 milliuns utilisaders a la firma englaisa Cambridge Analytica.

Durant la preschentaziun da las cifras è vegnì enconuschent che las autoritads americanas han cumenzà cun novas investigaziuns tar Facebook.

RR novitads 06:00