L'UBS vul sviluppar surtut il sectur dals clients privats. La malsegirezza actuala als martgads d'aczias chinais saja per l'UBS ina pussaivladad per offrir sia savida spezialisada.
Novas turbulenzas sin martgads d'aczias chinais
A las bursas chinaisas vai puspè engiu. Suenter las sfundradas dals curs da l'emna passada han ils martgads d'aczias per part puspè pers passa 6%. Bleras aczias han pers passa 10% da lur valur. Ellas èn vegnidas suspendidas dal commerzi.
Pertutgads eran surtut titels da societads da brokers. Tenor experts han la malsegirezza davart la conjunctura, la valuta debla e las intervenziuns statalas betg gartegiadas indeblì anc dapli la confidenza dals investiders.
Tenor ils experts èn las turbulenzas temporaras. La China creschia vinavant, simplamain betg pli uschè ferm sco avant.
RR novitads 16:00