Siglir tar il cuntegn
Inhalt

Exteriur Manafort collavura cun FBI

L’anteriur manader dal cumbat electoral da Donald Trump, Paul Manafort, renconuscha d’esser culpabel. Cun auters pleds: el vul cooperar cun l’investigader Robert Mueller e survegn cunquai in pli bass chastì.

Purtret da Robert Mueller.
Legenda: Paul Manafort ha concedì d'esser culpabel. Uss vul el sustegnair Mueller cun sias investigaziuns cunter Trump. Keystone

Tge infurmaziuns che pudessan cular n'è anc betg cler. En il center stattan dentant las investigaziuns cunter la Russia. Manafort vala suenter l'advocat da Trump, Michael Cohen sco segunda funtauna fitg potenta or dal conturn stretg dal president american.

Las investigaziuns cunter Manafort n'han betg in connex direct cun las elecziuns dal president il 2016. Ellas pertutgan la lavur da lobby da Manafort cun forzas prorussas en l'Ucraina. Tuttina n'è betg d'excluder che la cooperaziun da Manafort dad uss po er purtar a la glisch novas infurmaziuns davart l'affera cun Russia. L'investigader spezial, Robert Mueller ha la cumpetenza dad era ir suenter a chaussas ch'el scuvra durant sias investigaziuns.

RR novitads 10:00