Siglir tar il cuntegn

Header

cuntegn

Exteriur Mancanza d’aua en il Sudan dal Sid

La situaziun da provediment per fugitivs en il Sudan dal Sid è fitg critica. Blers survegnan mo in liter aua da baiver per di.

En in champ da fugitivs en il Sudan dal sid survegnan enturn 18’000 persunas actualmain sulet in liter aua da baiver per di. Per surviver duvrassi tenor l'organisaziun Medis senza cunfins dentant 2,5 liters per persuna. Intgins cumbattian schizunt per l'aua.

Il 2011 è il Sudan dal Sid daventà independent dal Sudan. Dus onns pli tard è rutta ora la guerra civila pervi da cumbats da pussanza tranter il president Salva Kiir e ses anteriur substitut Riek Machar. Dapi lura èn mortas pliras 10milli persunas e passa 3,5milliuns èn fugidas.

RR novitads 15:00

Artitgels legids il pli savens