Las autoritads han appellà radund 800'000 persunas da bandunar lur chasas.
Passa 5 milliuns persunas vegnan tenor la protecziun da catastrofa ad esser pertutgadas da las consequenzas dal stemprà. La Crusch cotschna va perfin da quai ora che prest 10 milliuns persunas pudessan esser pertutgadas da la forza enorma dal stemprà.
Mangkhut è fitg lartg
Malgrà ch'il nord da las Filippinas ha er gia vis taifuns uschè ferms, è il president da la Crusch cotschna, Richard Gordon preoccupà. Las dimensiuns dal taifun èn extraordinarias. El è pli lartg che uschiglio, cun ina ladezza da 900 kilometers.
La ladezza da Mangkhut è pli largia, quai munta ch'ina gronda surfatscha è pertutgada.
Las Filippinas èn pertutgadas mintg'onn da radund 20 taifuns che chaschunan inundaziuns, bovas ed autras devastaziuns. In dals pli ferms taifuns dals ultims onns è stà Hayan. El ha tutgà las Filippinas il 2013. Là èn mortas radund 6'300 persunas, passa dus milliuns han pers lur dachasa.
RR novitas 06:00
