Siglir tar il cuntegn

Header

cuntegn

Exteriur Mar antarctica duai vegnir protegida

Avant la costa da l’Antarctica duai quai dar la pli gronda zona da protecziun per la mar dal mund. Quai han 24 pajas e l’Uniun europeica decis suenter plirs onns da contractivas.

La dimensiun da questa zona correspunda a la surfatscha da la Germania, la Frantscha e la Gronda Britannia. En questa zona duai esser scumandà da pestgar. La part sut protecziun vala sco in dals ultims spazis maritims intacts dal mund.

La contractivas avevan cumenzà gia l'onn 2012. L'ultim era be anc la Russia encunter la zona da protecziun perquai ch'el aveva tema per sia flotta da pestga. Il cumpromiss chattà mettia en equiliber la protecziun da la mar, pestga persistenta ed ils interess da la perscrutaziun.

La mar davant l'Antarctica vala sco in dals ultims ecosistems intacts. Là vivan balenas, pinguins e chauns da mar. Perscrutaders intercureschan là tranter auter las consequenzas da la midada dal clima.

RR novitads 06:00

Artitgels legids il pli savens