Siglir tar il cuntegn

Header

Navigaziun

In bastiment da la guardia da costa taliana.
Legenda: Il bastiment «Bruno Gregoretti» n’ha betg salvà per l’emprima giada fugitivs. (archiv 20.04.2015) Keystone
cuntegn

Mar mediterrana Malgrà in scumond porta la guardia da costa fugitivs en in port

Pli che 130 fugitivs ha il bastiment da salvament da la guardia da costa taliana purtà en in port datiers da Catania sin la Sicilia. Quai cunter in scumond che la regenza taliana aveva relaschà.

Ils passa 130 fugitivs a bord dal bastiment «Bruno Gregoretti» na dastgan però betg bandunar il bastiment. Els possian pir far quai – cura che auters pajais da l’UE sajan pronts da prender si els, ha communitgà il minister da l’intern Matteo Salvini.

La guardia da costa taliana aveva salvà ils fugitivs la gievgia saira sin la Mar Mediterrana. Quels eran partids en duas bartgas da gumma da la Libia, ed eran lura vegnids en difficultads sin la mar.

RR novitads 15:00