Siglir tar il cuntegn
cuntegn

Exteriur Mar Sidchinaisa: Dretgira decida cunter China

En la dispita pervi dals dretgs territorials en la Mar Sidchinaisa han derschaders internaziunals a Den Haag tratg per l'emprima giada ina sentenzia.

Demonstrants.
Legenda: Filippins protesteschan davant l'ambassada chinaisa a Manila il di da la sentenzia a den Haag. Reuters

La China n'ha nagins dretgs territorials en la Mar Sidchinaisa. Quai ha decis la dretgira da cumpromiss a Den Haag .

Las Filippinas eran idas cun il cas a Den Haag. Il pajais protesta dapi onns cunter che la China fa mantuns da terra en la Mar Sidchinaisa e construescha uschia inslas artifizialas.

Uss ha la dretgira da cumpromiss decidì che quests dretgs territorials n'hajan nagina basa legala.

La China aveva annunzià gia ordavant ch'ella n'acceptia betg la cumpetenza giuridica da la dretgira da cumpromiss e ch'ella vegnia ad ignorar la sentenzia en mintga cas.

RR novitads 09:00++