Pervia dal Brexit, la sortida da la Gronda Britannia da l'UE, dumondan adina dapli Brits per in pass da l'Irlanda. Dapi l'onn 2015 è la cifra bunamain sa dublegiada. L'onn 2015 hai dà 46'226 dumondas, il davos onns gia 80'752. Durant l'emprima mesadad da quest onn han gia 44'962 Brits dumandà per in pass da l'Irlanda.
Motiv per quest augment è il Brexit
Blers Brits han tema d'avair dischavantatgs pervia dal Brexit. Mintga persuna ch'è naschida en l'Irlanda u l'Irlanda dal Nord u che ha ils geniturs u il tat e la tatta ch'èn oriunds da là pon dumandar in pass irlandais. Quai èn radund sis milliuns Brits. En Gonda Britannia sco era en Irlanda è naziunalitad dubla lubida.
RR novitads 10:00