Exteriur - Marcantamain dapli sentenzias da mort il 2014
Sin l’entir mund ha l’Organisaziun per ils dretgs umans Amnesty International dumbrà almain 2’466 sentenzias da mort, quai èn 28% dapli sentenzias cumpareglià cun il 2013. Lura aveva l’organisaziun anc dumbrà almain 1’925 sentenzias da mort.
Il motiv per l’augment sajan sentenzias da mort en l’Egipta ed en la Nigeria, scriva Amnesty International. Execuziuns ha l'organisaziun dumbrà l’onn passà almain 607, quai èn 22% pli pauc ch’il 2013.
Per ils stadis da la China e da la Corea dal Nord na datti naginas cifras uffizialas. Amnesty International quinta ch’i dat là las pli bleras execuziuns e sentenzias da mort.
