Il socialdemocrat Marcelo Rebelo de Sousa ha cleramain gudagnà l'elecziun dal president en il Portugal. Tenor indicaziuns da l'autoritad electorala cuntanscha il politicher conservativ da 67 onns cun 52,99% da las vuschs la maioritad absoluta. E quai gia en l'emprim scrutini.
Il candidat independent António Sampaio da Nóvoa vegn sin radund 23% da las vuschs. Quai tar ina participaziun da radund 48%. Il president actual Anibal Cavaco Silva n'ha betg pli dastgà candidar suenter duas periodas d'uffizi.
En il Portugal ha il president cunzunt funcziuns represchentativas. El dastga però schliar il parlament en cas da crisa.
RR novitads 22:00/06:00