Siglir tar il cuntegn

Header

cuntegn

Exteriur Marina tudestga salva 300 fugitivs

La marina tudestga ha salvà 294 fugitivs avant la costa da la Libia. In bastiment haja prendì a bord ils passagiers da 3 bartgas ch'eran en privel da sfundrar en la Mar mediterrana.

Quai ha communitgà il ministeri da defensiun tudestg. Tranter ils fugitivs sajan 263 umens, 28 dunnas e 3 uffant. Il bastiment transportia uss ils fugitivs sin la Sicilia.

Oz cusseglian ils ministers da l'exteriur e da defensiun da l'Uniun europeica co agir pli dir cunter las bandas ch'organiseschan ils viadis da fugitivs en direcziun Europa.

Ils bastiments tudestgs en la Mar Mediterrana avevan gia al cumenzament da lur engaschi avant intgins dis salvà passa 400 fugitivs ch’eran en privel da sfundrar.

RR novitads 8:00

Artitgels legids il pli savens