Siglir tar il cuntegn

Exteriur Martin Schulz desista d'in post da minister per l'exteriur

En Germania desista Martin Schulz d'in post da minister en la coaliziun gronda. Il schef da partida partent da la SPD ha declerà a scrit ch'el vesia en privel la votaziun davart la coaliziun gronda pervi da la gronda discussiun aifer la partida enturn sia persuna.

Martin Schulz
Legenda: A Martin Schulz èn ils interess da la partida pli impurtants che ses agens. Keystone

El speria instantamain che las debattas davart il persunal entaifer la SPD sajan terminadas cun questa decisiun. Per el saja da gronda impurtanza ch'ils commembers da la SPD sustegnian il contract da coaliziun.

Sco Schulz ha ditg, vegnia uschia la politica fatga per tut ils carstgauns en il pajais. Ord quella raschun stoppian sias ambiziuns restar davos ils interess da la partida.

Suenter che las discussiuns davart il contract da coaliziun èn stadas finidas, aveva Schulz detg, ch'el veglia surpigliar il post da minister da l'exteriur en la nova regenza e surdar il post da scheffa da partida ad Andrea Nahles.

RR novitads 15:00