Siglir tar il cuntegn

Exteriur Martin Schulz sa retira per immediat sco schef da partida

Nova scheffa da partida da la SPD duai Andrea Nahles daventar.

Martin Schulz ed Andrea Nahles.
Legenda: Andrea Nahles duai daventar schefa da partida da la SPD. Keystone

Andrea Nahles, la scheffa da fracziun da la SPD, duai surprender il presidi da la partida socialdemocratica. Quai haja il presidi da la SPD proponì unanimamain a la suprastanza. L'elecziun duaja succeder ils 22 d'avrigl a chaschun d'in di da partida extraordinari a Wiesbaden. Andrea Nahles fiss l'emprima dunna sco scheffa da la partida socialdemocratica en tut ils 150 onns ch'i dat gia la SPD.

Formalmain sto Nahles dentant anc vegnir nominada da la suprastanza da la SPD. Martin Schulz ha declerà ch'el sa retiria per immediat sco schef da partida. Fin ils 22 d'avrigl surpiglia Olaf Scholz ad interim il post da schef da partida.

RR novitads 20:00