Siglir tar il cuntegn

Header

cuntegn

Exteriur Maschina da café per astronauta taliana e l’univers

L’organisaziun d’astronautica NASA vul che lur collavuraturs sa sentan sco da chasa en l’univers. L’astronauta taliana Samantha Cristoforetti aveva difficultads cun il café da pulvra. Quel na saja betg usché bun sco in dretg café talian.

Perquai ha la NASA ussa remplazzà il café da pulvra cun ina endretga maschina da café taliana. Per l’univers ha quella dentant stuì vegnida construida spezial. Dus grondas firmas talianas han sviluppà ina maschina da café taliana per l’univers.

Nagina portgaria

Uschia pon ins baiver il café or da satgets da plastic cun in stromin. Cun quest sistem na sgola il café betg en l’aria enturn e na chaschuna era betg ina portgaria. Questa notg parta ina racheta cun la maschina da café e 2 tonnas auter material per la vita da mintgadi en direcziun staziun astronautica internaziunala da la NASA.

audio
Saira: Maschina da café per astronauts en l’orbit
ord Actualitad dals 13.04.2015.
laschar ir. Durada: 4 minutas 5 Secundas.

Artitgels legids il pli savens