Siglir tar il cuntegn

Exteriur Massa forzas da segirtad a la Gay Pride a Londra

Sper tschientmillis visitaders ha er blera polizia accumpagnà il cortegi da la Gay Pride. Quai suenter las attatgas islamisticas dals davos mais en Gronda Britannia.

Dus visitaders dattan in bitsch ad in policist che procura per la segirtad a la Gay Pride.
Legenda: Suenter las attatgas terroristicas e l’incendi en in sgrattatschiel èsi ì tiers plaschaivlamain a la Gay Pride. Keystone

Sco engraziament han policists, sanitaris e pumpiers dastgà avrir la parada per il moviment da persunas omosexualas. Quest onn è vegnì festegià che l'omosexualitad na vala dapi 50 onns betg pli sco act criminal en l'Engalterra ed en la Valisa.

Tenor il president da Londra Sadiq Khan haja la parada da Gay Pride attratg quest onn uschè bleras persunas sco anc mai. En tut duain dapli che 1,5 milliuns persunas avair fatg part dal cortegi e las festivitads. La parada ha giu lieu quest onn per la 45avla giada en la chapitala englaisa.

RR actualitad 10:00